ഭാരത സർക്കസ്

 

നവോത്ഥാനം അതിൻ്റെ ഏറ്റവും ഉന്നതിയിൽ ആണ് നമ്മുടെ നാട്ടിൽ എന്ന് ഭയങ്കരമായി തള്ളും എങ്കിലും പ്രായോഗികമായി ഇന്നും നമ്മൾ എല്ലാ വിധ അന്ധവിശ്വാസങ്ങളും ജാതി മത മാമൂലുകളും സ്ത്രീ പുരുഷ വേർത്തിരുവുകളും ഉന്നതിയിൽ തന്നെ പിന്തുടരുന്ന നാട് തന്നെയാണ്. 

ഭരണകൂടം തന്നെ വോട്ട് ബാങ്ക് ലക്ഷ്യമിട്ട്  ചിലർക്ക് മാത്രം നവോത്ഥാനം "സംവരണം "ചെയ്യുമ്പോൾ അസംതൃപ്തരായ ഒരു വിഭാഗം ഉണ്ടാകും. മറ്റുള്ളവർക്ക് നവോത്ഥാനം ഉണ്ടാക്കാൻ തെരുവിൽ ഇറ ങ്ങിയവർ സ്വന്തം കാര്യം വരുമ്പോൾ നാവു അണ്ണാക്കിൽ ഇട്ടു ശരീരം വസ്ത്രങ്ങൾക്കുള്ളിൽ പേടിയോടെ ഒളിച്ചിരിക്കുന്നത് പോലും നമ്മൾ കണ്ടതാണ്.

മതങ്ങൾ തമ്മിൽ എന്തിന്  ഉന്നത ജാതിക്കാരൻ ഒരു ബന്ധം അതിനു താഴെ ഉള്ളവരുമായി അല്ലെങ്കിൽ തിരിച്ചും ഇന്നും കീറാമുട്ടി തന്നെയാണ്.സത്യത്തിൽ ഈ ചിത്രത്തിൽ പറയുന്നത് നമ്മുടെ നാടിൻ്റെ കഥ ആയതുകൊണ്ട് ഭാരത സർക്കസ്സിനെക്കാൾ കേരള സർക്കസ് ആയിരുന്നു നല്ലത്.

സ്വന്തം മകളെ  നശിപ്പിച്ചു ആത്മഹത്യക്ക് പ്രേരിപ്പിച്ച ആളെ കണ്ടുപിടിക്കുവാൻ  പോലീസിനെ സമീപിച്ച അച്ഛന്  ജാതി വർണ്ണം എന്നിവ കൊണ്ട് ഉണ്ടാകുന്ന പ്രശ്നങ്ങളും പോലീസ് അധികാരവും മുഷ്ട്ടിയും ജാതിയും  ഉപയോഗിച്ച് കേസുകൾ കളള കേസുകൾ ആക്കി നിരപരാധികളെ പീഡിപ്പിക്കുന്നത് ഒക്കെ ആണ് ചിത്രം പറയുന്നത്.

പോലീസുകാർ എങ്ങിനെ ഒക്കെ കള്ള കേസുകൾ ഉണ്ടാക്കി ഒരു നിരപരാധിയെ പൂട്ടി അധികാരത്തിൽ ഉയർച്ചയും സമൂഹത്തിൻ്റെ മുന്നിൽ മാന്യന്മാരുടെ ആവരണവും അണിയുന്നു എന്നതും ചിത്രം കാണിച്ചുതരുന്നു.ഇതൊക്കെ സമകാലിക സംഭവങ്ങൾ ആയതിനാൽ അവിശ്വസനീയ വുമല്ല

ബിനു പപ്പു എന്ന നടൻ മികച്ച അഭിനയത്തിലൂടെ അച്ഛനായി കസറുമ്പോൾ ഷൈൻ ടോം തൻ്റെ മുൻകാല അഭിനയത്തിൻ്റെ നിഴൽ മാത്രം ആയി പോകുന്നു.പോലീസ് ഓഫീസർ ആയി സംവിധായകൻ നിഷാദ് മികച്ച അഭിനയം കാഴ്ചവെക്കുന്നുണ്ട്..പതിയെ പോയി താളം കണ്ടെത്തുന്ന തിരക്കഥ അധികം ബോർ അടിപ്പിക്കുനില്ല.

പ്ര .മോ .ദി. സം