ദി പ്രൊപ്പോസൽ

 

ആരാണ് അഭിനയിക്കുന്നത് എന്നറിയില്ല ,ആരാണ് ചിത്രം അണിയിച്ച് ഒരുക്കിയത് എന്ന് വലിയ നിശ്ചയം ഇല്ല..ടൈറ്റിൽ കാർഡിൽ കൂടി മാത്രം അവരെ മനസ്സിലാക്കുന്നു. ലക്ഷണങ്ങൾ വെച്ച്  ഓസ്ട്രേലിയയിൽ ജീവിക്കുന്ന ഒരു കൂട്ടം ആൾകാർ ഒത്തുചേർന്നു ഉണ്ടാക്കിയത് ആയിരിക്കും എന്ന് മനസ്സിലാക്കാം.

നാട്ടിൽ നിന്ന് ഉള്ള പൈസ ഒക്കെ സംഘടിപ്പിച്ചു സ്റ്റുഡൻ്റ് വിസയിൽ ആസ്ട്രേലിയയിൽ എത്തി അവിടുത്തെ സബന്നതയിൽ ജീവിക്കുവാൻ പറ്റുന്നുണ്ട് എങ്കിലും ഒരിക്കലും പെർമനന്റ് വിസ കിട്ടില്ല എന്ന് ഉറപ്പായപ്പോൾ അവിടെ പൗരത്വം ഉള്ളവളെ കല്യാണം കഴിച്ചാൽ അവിടെ ജീവിതാവസാനം വരെ കഴിച്ചു കൂട്ടാൻ  പറ്റും എന്നുള്ള അറിവ് വെച്ച് അതിനു ശ്രമിക്കുനവൻ്റെ കഥയാണ്  പുതുമുഖ അണിയറക്കാർ പറയുന്നത്.

നല്ല രസത്തിൽ ചിത്രം പോകുന്നുണ്ട് എങ്കിലും രണ്ടെ മുക്കാലോളം മണിക്കൂർ ഉള്ള ചിത്രം ഒറ്റ ഇരുപ്പിൽ കാണുവാൻ നന്നേ ബുദ്ധിമുട്ടുണ്ട്.വലിച്ച് നീട്ടിയ സീനുകളിൽ എഡിറ്റർ കത്രിക ഉപയോഗിച്ചിരുന്നു എങ്കിൽ ചിത്രം ഹൃദ്ധ്യമായെനെ.ഷൂട്ട് ചെയ്തത് മുഴുവൻ കാണിക്കണം എന്ന നിർബന്ധബുദ്ധി കളഞ്ഞു കുളിച്ചത് ആസ്വദിക്കാൻ പറ്റുമായിരുന്നു നല്ലൊരു ചിത്രത്തെ ആണ്..

നായകൻ്റെ കൂട്ടുകാരൻ ആയി വരുന്ന ആൾക്ക്  അഭിനയത്തിലും സംഭാഷണത്തിലും നമ്മെ നന്നേ രസിപ്പിക്കാൻ കഴിയുന്നുണ്ട്..നായകന് സൗണ്ട് അടിപൊളി ആണെങ്കിലും അഭിനയത്തിൽ പലപ്പോഴും പതറി പോകുന്നുണ്ട്..നായികയുടെ ചിരി ഒഴിച്ചാൽ അതും അഭിനയത്തിൽ കുറച്ചു കൂടി സമർപ്പണം ചെയ്യണം. കുറച്ചു പേര് കൂടി ഉണ്ടെങ്കിലും വെറുതെ നടക്കുന്നതും വാതോരാതെ പറയുന്നതും മാത്രമല്ല  സിനിമക്ക് വേണ്ടത് എന്ന് മനസ്സിലാക്കി  ഭാവങ്ങൾ കൂടി വരും വിധം ഇനിയുള്ള അവസരങ്ങളിൽ ശ്രമിക്കണം

എന്തായാലും നവാഗതരുടെ സൃഷ്ട്ടി എന്ന നിലയിൽ നമുക്ക് ന്യൂനതകൾ ഒക്കെ മറന്ന് ഒരു പരിധിവരെ  കണ്ടു പ്രോത്സാഹിപ്പിക്കാൻ പറ്റും.

പ്ര .മോ. ദി .സം