ലാൽബാഗ്

 

ബാംഗ്ലൂരിലെ ലാൽബാഗ് വളരെ പ്രസിദ്ധമാണ്.ഇന്ത്യയിലെ തന്നെ അറിയപ്പെടുന്ന ബോട്ടാണിക്കൽ ഗാർഡൻ. ആ പേരിൽ പ്രശാന്ത് മുരളി ഒരുക്കിയിരിക്കുന്ന ക്രൈം ത്രില്ലർ ആണ് ലാൽബാഗ്..ഈ ചിത്രത്തിന് എന്തിനാണ് ആ പേരിട്ടത് എന്ന് സിനിമ കണ്ടു കഴിഞ്ഞു ചിന്തിക്കുന്നത് നല്ലതാണ്.

മകളുടെ ബർത്ത്ഡേ പാർട്ടി കഴിഞ്ഞ പിറ്റെ ദിവസം ഗൃഹനാഥൻ മരിച്ചു കിടക്കുന്നതായി കാണപ്പെടുന്നു.ആദ്യം സ്വാഭാവിക മരണം ആണെന്ന് കരുതി എങ്കിലും വിഷം ഉള്ളിൽ ചെന്നാണ് മരണപ്പെട്ടത് എന്ന് പോലീസ് മനസ്സിലാക്കുന്നു.പിന്നീട് അത് കൊലപാതകം ആണോ എന്നറിയാൻ പോലീസിൻ്റെ പഴുതടച്ചുള്ള അന്വേഷണം ആണ്.

അങ്ങിനെ കലങ്ങി മറിച്ച പോലീസ് അന്വേഷണത്തിൽ ചില സത്യങ്ങൾ മനസ്സിലാക്കുന്നത് ആണ് കഥാസാരം.രാഹുൽ മാധവ്,മംമത മോഹൻദാസ് ,സിജോയ് വർഗീസ്,നേഹ സക്സേന എന്നിവർക്ക് പുറമേ കുറെ പുതുമുഖങ്ങൾ കൂടി അണിനിരക്കുന്നുണ്ട്.

തൻ്റെ രണ്ടാമത്തെ ചിത്രത്തിൽ തന്നെ മലയാളത്തിന് കുറെ പുതുമുഖങ്ങളെ അണി നിരത്തി പ്രാധാന്യമുള്ള വേഷങ്ങൾ നൽകിയ സംവിധായകൻ അഭിനന്ദനം അർഹിക്കുന്നു.അവരൊക്കെ ചിലപ്പോൾ കന്നഡ താരങ്ങൾ ആവാനും ചാൻസ് ഉണ്ട്.

കന്നഡയും മലയാളവും നന്നായി അറിയുന്നവർക്ക് നല്ല നിലയിൽ ആസ്വദിക്കുവാൻ കഴിയും..അല്ലാത്തവർ സബ് ടൈറ്റിൽ നോക്കി മനസ്സിലാക്കുമ്പോൾ ആസ്വാദനം നഷ്ട്ടപെട്ട അവസ്ഥ ആയിപോകാൻ ചാൻസ് ഉണ്ട്.ചിത്രത്തിൻ്റെ ഒരു നെഗറ്റീവ് ഇതാണ്..തമിഴും ഹിന്ദിയും മനസ്സിലാക്കുന്നത് പോലെ കന്നഡ മനസ്സിലാക്കുവാൻ നമ്മുടെ പ്രേക്ഷകർക്ക് കഴിയില്ല.

ചുരുങ്ങിയ സമയം കൊണ്ട് നല്ലൊരു ത്രില്ലർ നൽകിയെങ്കിലും കഥാവസാനം ഒക്കെ നമുക്ക് ഊഹിക്കാൻ പറ്റുന്നത് കൊണ്ട് അത് തന്നെയല്ലേ സംഭവിക്കുക എന്ന് അറിയാൻ  മാത്രം അവസാനം വരെ ആകാംഷയോടെ കാണാം

പ്ര .മോ. ദി .സം