#ഹോം

 

ഓണക്കാലത്ത്  കുടുംബ പ്രേക്ഷകരെ ആകർഷിക്കാൻ തക്ക വിധത്തിൽ എല്ലാ ഫാമിലി സെൻ്റിമെൻ്റൽ  ചേരുവകളും നിറച്ചു മുൻപ്  നല്ല രണ്ടു  ചിത്രങ്ങൾ ഒരുക്കിയ റോജ്ജിൻ തോമസ്  സംവിധാനം ചെയ്ത ചിത്രമാണ്  #ഹോം.

നമ്മൾ ഈ ഭൂമിയിൽ ജീവിച്ചിരിക്കുമ്പോൾ അസാധാരണമായി എന്തെങ്കിലും ചെയ്താൽ നമ്മുടെ സമൂഹം നമ്മളെ അടയാളപ്പെടുത്തി വെക്കും..ഒന്നും ചെയ്തില്ല എങ്കിൽ പോലും ഞാൻ ഭയങ്കര സംഭവം ആണെന്ന് കാണിക്കാൻ ചിലരൊക്കെ സ്വന്തം ജീവിതം തന്നെ പുസ്തകമാക്കി മാലോകർ ക്കു പരിചയപ്പെടുത്തും..അങ്ങിനെ  വലിയ കാര്യങ്ങൽ ചെയ്തിട്ടും അത് ആരെയും അറിയിക്കാതെ ജീവിക്കുന്ന ആയിരങ്ങൾ നമുക്ക് ചുറ്റിലും തന്നെ ഉണ്ട്..

 അതുകൊണ്ട് നമ്മളെ കുറിച്ച് തന്നെ എന്തെങ്കിലും  സ്വയം "തള്ളു" ന്നതിന് മുൻപ്  അത്  കൂടി നമ്മുടെ മനസ്സിൽ ഉണ്ടായിരിക്കണം. ചിലപ്പോൾ അയാള് നമ്മുടെ കുടുംബത്തിൽ തന്നെ ഉളളവർ ആയിരിക്കും ചിലപ്പോൾ  സ്വന്തം വീട്ടിൽ തന്നെ.. അതും അല്ലെങ്കിൽ സ്വന്തം സുഹൃത്ത്....അതൊന്നും വലിയ കാര്യം അല്ലെന്ന് മനസ്സിലാക്കുന്ന അവർ  ഒരു പബ്ലിസിറ്റി ആഗ്രഹിക്കുന്നു പോലുമുണ്ടാവില്ല.

പ്രശസ്ത സിനിമ സംവിധായകനോട് സ്വന്തം അച്ഛൻ പറയുന്ന കഥ പറച്ചിൽ കേട്ടാൽ പ്രേക്ഷകർക്ക് പോലും വിശ്വസിക്കുവാൻ പറ്റില്ല..കാരണം അയാൾക്ക് കഥ പറയാൻ അറിയില്ല..നടന്ന സംഭവം  മാത്രമേ പറയാൻ അറിയൂ. പിന്നിട് ആണെങ്കിലും  ആ കഥ ഒരു കുടുംബത്തിൽ മൊത്തം  ഉണ്ടാക്കുന്ന മാറ്റം തന്നെയാണ് സിനിമയുടെ ആകർഷണീയത.

ഇന്ദ്രൻസ് എന്ന നടൻ എത്ര "വലിയ" നടനാണ് എന്ന് മുൻപേ തെളിയിച്ചു കഴിഞ്ഞതാണ്...ഇപ്പൊൾ അത് ഓരോ ചിത്രത്തിലും വീണ്ടും വീണ്ടും അടയാളപ്പെടുത്തി കൊണ്ടിരിക്കുന്നു.

ഒരു പക്ഷെ നമ്മുടെ നടന്മാർ ഒക്കെ എക്സ്ട്രാ ഓർഡിനറി തന്നെയാണ്..അവർക്ക് അവസരം കിട്ടുമ്പോൾ അതവർ തെളിയിക്കുന്നുണ്ട്..അവസരം കിട്ടാത്തവർ ഇനിയും ഉണ്ട്..അവരൊക്കെ വരും നാളുകളിൽ നമ്മളെ അൽഭുത പ്പെടുത്തും.

രണ്ടര മണിക്കൂർ  വല്യ നടന്മാർ ഒന്നും ഇല്ലാത്ത  ഒരു സാധാരണ ചിത്രം ഒരു മടിയും അസഹ്യതയും കൂടാതെ കാണാൻ ഒരുക്കിയ അണിയറക്കാർക്കു ബിഗ് സല്യൂട്ട്..അവർ തന്നെയാണ് ഈ ചിത്രത്തിലെ സൂപ്പർ സ്റ്റാറുകൾ

പ്ര .മോ. ദി .സം