Friday, April 5, 2013

"അഹിന്ദുക്കള്‍ക്ക് പ്രവേശനം ഇല്ല "

" മോനെ  ബഷീരെ ,നമുക്കൊന്ന് പുറത്തിറങ്ങി കറങ്ങി വന്നാലോ ?"

അയാള്‍ ബഷീറിനെ വിളിച്ചു.ഇപ്പോള്‍ അയാള്‍ക്ക് എന്തിനും ഏതിനും ബഷീര്‍ വേണം . പത്തു പതിനഞ്ചു കൊല്ലമായി കൂടെ നില്‍ക്കുന്നു.ഡ്രൈവര്‍ ആയും വേലക്കാരന്‍ ആയും അടുക്കളകാരന്‍ ആയുംസുഹൃത്ത്‌ ആയും  ഒക്കെ.അയാള്‍ക്ക് ഇപ്പോള്‍ ബഷീര്‍ മതി.അത് കൊണ്ട് തന്നെ ഒറ്റ തടിയായ അവന്‍ അയാള്‍ക്കൊപ്പം തന്നെ താമസവും.അയാളുടെ ഭാര്യ നേരത്തെ മരിച്ചു പോയി ,നല്ല പഠിപ്പ് കിട്ടിയ മക്കള്‍ ഒക്കെ നല്ല ജോലി കിട്ടി പുറം നാട്ടില്‍ .അപ്പോള്‍ ഒറ്റയ്ക്ക് താമസിക്കുന്ന അയാള്കൊപ്പം ബഷീര്‍ അവിടെ തങ്ങുന്നത് തന്നെയാണ് അയാള്‍ക്കും മക്കള്‍ക്കും ഇഷ്ടം.

ബഷീര്‍ വിളികേട്ട് അകത്തു നിന്നും വന്നു.കാരണവര്‍ വരാന്തയില്‍ ഉലാത്തുകയാണ്.ബഷീറിനെ കണ്ടു അയാള്‍ നടത്തം നിര്‍ത്തി.
"എവിടേക്ക സാറേ  പോകേണ്ടത് ?"
"വെറുതെ ഒന്ന് പുറത്തേക്കു  .."
 "ഈ രാത്രിയിലോ .."
"അതൊന്നും സാരമില്ല നീ വേഗം ഒരുങ്ങി വാ .."
ബഷീര്‍ അകത്തു പോയി പെട്ടെന്ന് തന്നെ വസ്ത്രം മാറി വന്നു . അയാള്‍ ബഷീറിനെ നോക്കി പറഞ്ഞു
"നീ പാന്റ്സ് ഇട്ടു വാ മുണ്ട് വേണ്ട .."
"അതെന്താ സാറേ  .. മുണ്ടിന് കുഴപ്പം ?
'അതൊക്കെ നിനക്ക് വഴിയെ മനസ്സിലാകും .. ഇപ്പോള്‍ നീ മാറി വാ .."

യാത്ര എവിടേക്ക് എന്നൊന്നും അയാള്‍ പറഞ്ഞില്ല.കാറിലെ സംഗീതത്തില്‍ ലയിച്ചു അയാള്‍ താളം പിടിക്കുന്നു . ,വണ്ടി ഓടികൊണ്ടിരുന്നു .  കുറച്ചു ദൂരം പിന്നിട്ടപ്പോള്‍ അയാള്‍ ഇടത്തേക്ക് തിരിക്കാന്‍ പറഞ്ഞു .
"ഓ ഇത്  അബലത്തിലെക്കുള്ള വഴിയാണല്ലോ ... അമ്പലത്തിലെക്കാണോ ?.."
"അതെ ബഷീര്‍ .. ഇന്ന് ഉത്സവം തുടങ്ങുകയല്ലേ കൊടിയേറ്റം കാണണം .... "
"ഉം  .. ബഷീര്‍ മൂളി .."

തിരക്ക് കൂടുതലായിരുന്നു.അത് കൊണ്ട് തന്നെ കാര്‍ കുറച്ചു അകലെ പാര്‍ക്ക്‌ ചെയ്യേണ്ടി വന്നു.കാറില്‍ നിന്നും ഇറങ്ങി അയാളുടെ കയ്യും പിടിച്ചു അമ്പലത്തിന്റെ വഴിയെ നടന്നു.കവാടം എത്തിയപ്പോള്‍ ബഷീര്‍ അയാളുടെ കൈ വിടുവിച്ചു 
"എന്താ ബഷീര്‍ ..?"
"ഞാന്‍ ഇവിടെ വരെയേ ഉള്ളൂ .. അയാള്‍ ബോര്‍ഡ്‌ ചൂണ്ടി കാണിച്ചു .."
"അഹിന്ദുക്കള്‍ക്ക് പ്രവേശനം ഇല്ല "

'അതൊന്നും പ്രശ്നം ഇല്ല ,ആരും അറിയാന്‍ പോകുനില്ല ,അത് കൊണ്ടല്ലേ ഇടത്തു  മുണ്ട് ഉടുത്തിരുന്ന നിന്നെ അത് മാറ്റി പാന്റ്സ് ഇടുവിച്ചത് .."
വേണ്ട ചേട്ടാ .. ചെറുപ്പത്തില്‍ ഉത്സവം കാണുവാന്‍ ഉള്ള ആവേശത്തില്‍ കൂട്ടുകാരോടൊത്തു ഇതിനകത്ത് കയറിയപ്പോള്‍ കിട്ടിയതിന്റെ വേദന ഇപ്പോഴും ഉണങ്ങാതെ മനസ്സില്‍ ഉണ്ട്.,എന്തിനാ സാറേ വെറുതെ ആള്‍ക്കാരെ കൊണ്ട് പണി ഉണ്ടാപ്പിക്കണം .."

"എന്നാല്‍ വേണ്ട ഞാനും കയരുനില്ല നമുക്ക് രണ്ടു പേര്‍ക്കും പുറത്തു ഇരിക്കാം കൊടിമരം ഉയരത്തില്‍ ആയതുകൊണ്ട് എവിടെ ഇരുന്നാലും കൊടിയേറ്റം കാണാം. അത് തന്നെ ഭാഗ്യം "

അവര്‍  പുറത്തെ മതിലില്‍ ഇരുന്നു നേരമ്പോക്കുകള്‍ തുടങ്ങി.അയാള്‍ ചെരുപ്പത്തില്‍ ഉത്സവത്തിന്‌ വന്നതും ,ആനയെ തൊടുവാന്‍ ശ്രമിച്ചതും ആനയുടെ വാല് കൊണ്ട് അടി കിട്ടിയതും ഒക്കെ പറഞ്ഞു . കാലം പോകും തോറും മനുഷ്യന്റെ ഉള്ളില്‍ മതം എന്ന വേലിക്കെട്ടുണ്ടാവുന്നതും അത് അവരെ പരസ്പരം വൈരികള്‍ ആക്കുന്നതും ഒക്കെ ...... ബഷീര്‍ എല്ലാം കേട്ട് നിന്നു.അയാള്‍ക്ക് ഉത്സവം സമ്മാനിച്ചത് നൊമ്പരം ആയത് കൊണ്ട് ഒന്നും പറയുവാന്‍ ഇല്ലായിരുന്നു

"ക്രിസ്ത്യാനികള്‍ ഒഴിച്ച് ആരും അന്യ മതസ്ഥരെ അവരുടെ ദേവാലയങ്ങളില്‍ അടുപ്പിക്കില്ല ,എന്നാല്‍ അവരിലെ ചിലര്‍ മറ്റുള്ള മതസ്ഥരെ  അവരിലേക്ക് ആകര്‍ഷിച്ചു മതം മാറ്റുവാന്‍ ശ്രമിച്ചു കൊണ്ടിരിക്കുന്നു...അങ്ങിനത്തെ ഒരു വര്‍ഗം. ഇപ്പോള്‍ ഇവിടെ തന്നെ ഒരാപത്തു വന്നാല്‍ മതവും ജാതിയും നോക്കി ആള്‍കാരെ രക്ഷക്ക് എര്പെടുത്തുവാന്‍ പറ്റുമോ ?അല്ലെങ്കില്‍ ഈ ദേവാലയങ്ങളില്‍ ഒക്കെ എന്തെങ്കിലും റിപ്പയര്‍ ചെയ്യാന്‍ അതെ മതക്കാരെ തപ്പി നടക്കേണ്ട ഗതികേടും ... ഈ ദേവാലയങ്ങള്‍ ഒക്കെ പണിതതും സ്വന്തം മതക്കാര്‍ തന്നെ എന്നുള്ളതിനു എന്താണ് ഉറപ്പു ള്ളത് ..?അയാള്‍ ചെറുതായി ഒരു സിനിമാപാട്ട് മൂളി

ഈശ്വരന്‍ ഹിന്ദു അല്ല
ഇസ്ലാം  അല്ല
ക്രിസ്ത്യാനി അല്ല
ഇന്ദ്രനും ചന്ദ്രനും അല്ല ....
.

അവര്‍ക്ക് മുന്നിലൂടെലക്ഷണം ഒത്ത ഒരു കൊമ്പന്‍ നടന്നു പോയി.അവരുടെ അടുത്തിരുന്ന ആരോ പറഞ്ഞു
"ഇത് നമ്മുടെ പീറ്ററിന്റെ ആനയ .... ഇവനെ പോലെ തലയെടുപ്പുള്ള ഒരാനയും ഇന്ന് ഈ പ്രദേശത്തില്‍ ഇല്ല വര്‍ഷങ്ങള്‍ ആയി ഇവന്‍ ആണ് സ്വാമിയെ എഴുനള്ളിക്കുന്നത് ...അത് പോലെ ഇന്നത്തെ കരിമരുന്നു പ്രയോഗം അത് അബൂക്കയുടെ  അവകാശം ആണ്  ..... അയ്യാള്‍ ചിലവാക്കുന്നത് പോലെ വേറെ ആരും കൊടിയേറ്റ ദിവസം പടക്കത്തിന്  ചിലവാക്കുകയില്ല . "

ബഷീറിനും  അയാള്‍ക്കും ചിരി പൊട്ടി.അവര്‍ക്ക് ഒരു കാര്യം മനസ്സിലായി പണത്തിനും മൃഗത്തിനും ജാതിയും മതവും ഒന്നും ഇല്ല .അവയ്ക്ക് എവിടെയും കയറാം.. അത് ജാഡ കാണിക്കുവാനും കാണിപ്പിക്കുവാനും, അമ്പലം ,പള്ളി എന്നിവക്കുള്ളില്‍ കയറും ,അല്ലെങ്കില്‍ കയറ്റും.പക്ഷെ അതിന്റെ പിന്നിലെ മനുഷ്യന് അവിടങ്ങളില്‍ ഒക്കെ പ്രവേശനം ഇല്ല. മനുഷ്യനെ മാത്രമേ മതത്തിന്റെ വേലി കെട്ടി വേര്‍തിരിചിട്ടുള്ളൂ ..
അപ്പോള്‍ അയാളുടെ മനസ്സില്‍   ഇരമ്പി  വന്നത് വേറെ ഒരു സിനിമ ഗാനം ആയിരുന്നു ..

മനുഷ്യന്‍ മതങ്ങളെ സൃഷ്ട്ടിച്ചു
മതങ്ങള്‍ ദൈവങ്ങളെ സൃഷ്ട്ടിച്ചു
മനുഷ്യനും മതങ്ങളും ദൈവങ്ങളും ചേര്‍ന്ന്
മണ്ണ് പങ്കുവെച്ചു മനസ്സ് പങ്കുവെച്ചു


കഥ  :പ്രമോദ്‌ കുമാര്‍. കെ.പി

.



8 comments:

  1. മതത്തിന്റെ പേരില് പരസ്പ്പരം പോര്വിളിക്കുന്നവരുടെ കണ്ണ് തുറക്കട്ടെ
    നല്ല അവതരണം
    ആശംസകൾ
    http://rakponnus.blogspot.ae/2013/04/blog-post.html

    ReplyDelete
  2. ഈശ്വരന്‍ ഹിന്ദു അല്ല
    ഇസ്ലാം അല്ല
    ക്രിസ്ത്യാനി അല്ല
    ഇന്ദ്രനും ചന്ദ്രനും അല്ല ....

    ReplyDelete
  3. ഒരു ദൈവം ഒരു മതം മനുഷ്യന് .
    http://velliricapattanam.blogspot.in/2013/03/blog-post.html

    ReplyDelete
  4. എല്ലാവര്ക്കും നന്ദി ...ഞാന്‍ വരാം നിങ്ങളുടെ അടുത്തേക്കും

    ReplyDelete
  5. മനുഷ്യന്‍ മതമെന്ന പ്രാന്തിന്റെ രക്തസാക്ഷികള്‍ മാത്രമായി മാറിക്കൊണ്ടിരിക്കുകയാണു. തന്റെ മുന്നിലുള്ളവന്‍ കൃസ്ത്യനോ ഇസ്ലാമോ ഹിന്ദുവോ മാത്രമാണൊരുവനു.

    നല്ല കഥ.

    ReplyDelete
  6. ഇന്ന് മതങ്ങൾ വിൽക്കപ്പെടുന്നുണ്ട് ഒരു പാട്

    ReplyDelete
  7. കണ്ണ് തുറന്നു കാണട്ടെ കണ്ണടച്ച്ചിരുട്ടാക്കുന്ന വര്‍ഗ്ഗങ്ങള്‍ ,, ഇഷ്ടായി

    ReplyDelete