ആദ്യ ലക്കം എഴുതിതീര്ക്കുവാന് കുറച്ചു സമയം എടുത്തു.എഡിറ്റോറിയല് ബോര്ഡില് ഉള്ള നമ്മളുടെതായിരുന്നു മുഴുവന് രചനകളും..ചിത്രരചന ആയിരുന്നു ഞങ്ങള്ക്ക് മുന്പില് കൂടുതല് പ്രതിസന്ധി തീര്ത്തത്. അതൊക്കെ പുറത്തുള്ള സുഹൃത്തുക്കളുടെ സഹായത്തോടെ കുറച്ചു സമയം കൂടുതല് എടുത്തുവെങ്കിലും പരിഹരിച്ചു.നല്ല പ്രതികരണം ആണ് നാട്ടുകാരില് നിന്നും ലഭിച്ചത്.അത് കൊണ്ട് തന്നെ അടുത്ത ലക്കവും പെട്ടെന്ന് പുറത്തു വന്നു.വീട് വീടാന്തിരം കൊടുത്തു കൊണ്ട് ആയിരുന്നു പ്രചാരണം .നല്ല അഭിപ്രായങ്ങള് വന്നതോടെ വീടുകള് തമ്മില് കൈമാറാന് തുടങ്ങി.അവസാനം തിരിച്ചെത്തുമ്പോള് നാട്ടിലെ വായനശാലയില് സൂക്ഷിക്കും.അങ്ങിനെ അവിടുന്ന് കൂടുതല് പേര് വായിച്ചു .മുല്ലയുടെ സുഗന്ദം പറന്നു തുടങ്ങി .
പിന്നെ പല ആള്ക്കാരില് നിന്നും കഥകളും കവിതകളും മറ്റു ലേഖനങ്ങളും വന്നു തുടങ്ങി.മുറ്റത്തെ മുല്ല പ്രശസ്തയായി.എല്ലാവരാലും നല്ലത് കേള്പ്പിച്ചു.ഇരുപത്തി അഞ്ചില്പരം ലക്കങ്ങള് പുറത്തിറങ്ങി.നാട്ടിലെ മുല്ലകളുടെ സൌരഭ്യം തിരിച്ചറിഞ്ഞു തുടങ്ങി.ആള്ക്കാര് വെള്ളവും വളവും നല്കി പ്രോത്സാഹിപ്പിച്ചു .മുല്ല പടര്ന്നു പന്തലിച്ചു .
കുറച്ചു കാലങ്ങള്ക്ക് ശേഷം നിഷ കല്യാണം കഴിഞ്ഞു ദൂരെ ഒരു നാട്ടിലേക്ക് പോയി ...നമ്മള് ഓരോരുത്തര് പഠനകാലം വിട്ടു അപ്പോള് തന്നെ ലഭിച്ച അവരവരുടെ ജോലികളില് തിരക്കായി.ജോലി സംബന്ധമായി ഞാന് ബംഗ്ലൂര്ക്ക് തിരിച്ചു.അവസാന ലക്കം എന്ന് പോലും അറിയിക്കാതെ മുറ്റത്തെമുല്ല നിന്ന് പോയി
.
ഇപ്പോള് ഇരുപതു വര്ഷങ്ങള്ക്കു ശേഷം അത് വീണ്ടും ആരംഭിച്ചിരിക്കുന്നു.കൈഎഴുത്ത് മാസിക ആയിട്ടല്ല .ഓണ് ലൈനില് .ഫേസ് ബൂക്കില് ഒരു കൂട്ടായ്മ ആയി.നിഷ ഇപ്പോഴും കൂട്ടത്തില് മുല്ലയുടെ അമരത്ത് ഉണ്ട് .പിന്നെ ഇതുവരെ തമ്മില് കാണാത്ത ഫേസ് ബുക്ക് ഫ്രണ്ട് ആയ ശിവശങ്കരന് ചേട്ടനും ശിവപ്രസാദും.പഴയവര്ക്ക് ഇനിയും ഇതില് പങ്കാളികള് ആകുവാന് സാധിച്ചിട്ടില്ല .അടുത്ത് തന്നെ ഉണ്ടാവും എന്ന് പ്രതീക്ഷിക്കുന്നു.
ഇപ്പോള് കൂടുതല് പേര് മുറ്റത്തെ മുല്ലയില് അംഗങ്ങളായി കൊണ്ടിരിക്കുന്നു.അതിനനുസരിച്ച് നല്ല നല്ല സൃഷ്ടികള് ഉണ്ടാകുന്നു.ഇതുവരെ പ്രോല്സാഹിപ്പിച്ചവര്കൊക്കെ നന്ദി .ഇനിയും എല്ലാവരുടെയും പ്രോത്സാഹനങ്ങള് പ്രതീക്ഷിക്കുന്നു.ഇത് വരെ മുല്ലയെ അറിയാത്തവര് ഈ വഴി ഒന്ന് കയറി നോക്കുക
https://www.facebook.com/
കൊള്ളാം
ReplyDeleteആശംസകള്
പേജൊന്ന് നോക്കട്ടെ
പേജ് വിസിറ്റ് ചെയ്യാന് പറ്റുന്നില്ല
ReplyDelete@ajithji ലിങ്കില് പോകുവാന് കഴിയുനില്ലെന്കില് ഫേസ് ബുക്കില് പോയി muttathemulla എന്ന് സെര്ച്ച് ചെയ്താല് മതിയാകും
ReplyDeleteപേജ് വിസിറ്റ് ചെയ്യാന് പറ്റുന്നില്ല
ReplyDeletehttps://www.facebook.com/groups/muttathemulla
ReplyDeletepls try above link shahidaji